「家家浪接浪」希望每一個家, 都可以利用屋企唔需要既野捐出做義賣, 唔會浪費之餘, 又可以接濟、救援每一隻浪浪, 幫助浪浪搵到屬於佢地既家.
想參與呢個計劃, 大家暫時只可以透過「環保配送服務」，另外係埋單前加購「捐贈義賣」($10/件)，先可以將義賣物品交比我地。
我地暫時唔會接受自携/郵寄，原因係：
1️⃣我地人手及空間有限，如果開放自携/郵寄，我地控制唔到有幾多人比義賣物品我地。但透過「環保配送服務」，我地可以根據單量計算到需要幾多空間及人手去處理。
2️⃣瓹窿瓹罅包辦曬義賣既倉存，影相，上架，客服，交收，收款及捐款等等 所有雜項工作，所有義賣款項都會全數捐出。但現實話比我地知，不論做義賣或回收都係需要資金而且需要時間，瓹窿瓹罅無收取任何資助或捐款，只係靠每個order既薄利去支撐。
⚠️所以由1/8開始，所有捐贈義賣既物品，每件會收取$10，每次最多3件。
⚠️客人必須係埋單前加購「捐贈義賣」，司機送貨上門時先會收走義賣。
如果你支持我地既理念，不妨用5分鐘睇下www.guruguruhk.com有無嘢啱買，我地有過千款產品，而且仲可以做埋回收。
🙇🏻♂️如果真係無嘢啱，社交媒體亦有好多義賣group，可以用d時間去睇睇。
不論你選擇用咩方式支持，目標都係「浪不再浪」，給浪浪一個家💪
因為空間、人手有限, 我地當然無可能乜都收, 有興趣捐出物品既麻煩留意以下規則:
🙅♂️一定唔收既野:
1.size超過 35x25x25cm
2.所有衣物及鞋類
3.傢俬
4.食品飲品
5.護膚及化妝品
6.雜誌、報紙
7.電子產品（尤其是outdated嘅配件）
🎁建議做義賣既野:
1.升咗呢唔再啱用既「手袋銀包」
2.發覺自己根本唔會煮飯多咗既「廚具」
3.多完之後發覺根本好少用既「小型家電」
4.多到比老公/男朋友話要掉既「首飾及配件」
5.畢咗業後都無機會用既「文具」
6.睇到掉轉都識背既「大眾刊物」
7.人大咗唔再玩既「玩具」
8.屋企隻毛孩唔食既「寵物食品」
請務必留意意下規則:
1.確保義賣產品係乾淨及可以正常運作
2.Pack好後寫番你個名同電話號碼
3.remark建議賣街價(唔mark就由打雜決定)
4.每次交比我地既義賣產品唔超過3件
5.連同其他回收唔可以over 5kg
⚠️因應倉既空間有限, 計劃初期義賣既產品總數如超過50件會有機會暫停回收
⚠️如果產品超過一個月都賣唔出, 我地捐去適當既機構.
多謝「你」咁有耐性睇曬以上咁多字，要令呢個計劃成功，除咗靠瓹窿瓹罅，大家既配合亦非常重要, 希望大家諗清楚義賣物品有無resell價值先交比我地. 我地希望可以係有限資源下盡力幫到更多浪浪，希望終有一日「浪不再浪」，每隻浪浪都有個家🥺而且地球資源也不再浪費
*有任何關於義賣既問題歡迎signal / whatsapp打雜專線，再次感激大家既支持同參與
「環保配送服務」詳情： https://www.guruguruhk.com/pages/shopping-recycle-delivery
