{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

Guru24南昌門市3月1號正式24小時營業

Guru有得送貨到英國🇬🇧喇🎉🎉快啲睇吓詳情啦

了解更多關於「免費上門回收」詳情

購物流程,送貨、退換貨及環保回收政策

購物流程,送貨、退換貨及環保回收政策
網站購物流程教學
1. 顧客於網站將貨品加入購物車
2. 㨂選完貨物後按「訂單結帳」
3. 進入結帳後,第一頁會顯示所㨂選的貨品、數量及金額。
4. 於第一頁選擇「付款方式」及「取貨方式*」後前往結帳
5. 於第二頁填寫收貨資料後按提交訂單
*如果想選擇送貨,但只能選擇自取,請檢查購物車是否未有將義賣唔准嘥嘢貨品分單(需以「加單」形式購買)
6. 付款成功會顯示訂單編號及感謝 
7. 成功落單會收到訂單確認email

「加單」點玩?  (4.係重點‼️)

⚠️加單㨂啱送貨方式「唔會」有運費

1. 首先要有原單

   (之前已經落咗單㨂送貨上門)

   (自取加單照㨂自取,remark加單,直接跳到7. )

2. 同平時一樣將想加單既貨加入購物車

   (義賣同唔准嘥嘢專區既貨要再分單)

3. 㨂好曬貨㩒結帳

4. 係送貨方式㨂「加單」

   (義賣同唔准嘥嘢專區㨂「冇原單唔送貨」)

5. 係備註填番未出貨既單no.

6. 收貨人同地址要同原單一樣

7. 同平時一樣比錢

8. 成功付款同落單會收到email

記得係送貨前預留最少48小時比我地執貨呀*



關於送貨
1. 顧客登記成為會員後,香港、九龍及新界區消費滿$450*(以結帳金額計算)免運費送貨上門(不足$450另加$50運費)。
   *唔准嘥嘢及義賣貨品不計算入免運費之消費金額
2. 馬灣,東涌,機場,消費滿$450(以結帳金額計算)免運費送貨上門(不足$450另加$50運費)
3. 送貨上門包括一般住宅或大廈,村屋,唐樓或未有升降機之大廈包送3層樓梯,3層以上每層$10(落單時請註明)

4. 顧客於完成付款後,該訂單於第二個工作天起計*7個工作天內會有專人聯絡 (司機專線57439696) 夾時間及送到府上*

   *個別偏遠地區,例如石澳,赤柱,清水灣,淺水灣,深水灣,山頂等,有機會超過7個工作天送到,敬請見諒

5. 送貨上門服務為星期一至六,1000-2200

6.離島及車輛禁區不設送貨服務。

7.如送貨地址屬危險地方,為保障運輸同事安全,瓹窿瓹罅有權取消該訂單,而顧客不得提出訴訟及索償或追討任何賠償。

8.除非特別通知,否則所有類型貨品會同一時間收貨

⚠️如因節日或推廣活動太多訂單, 有機會超過7日送貨, 如貨品急用, 可以主動聯絡司機專線57439696, 我們會盡力配合, 多謝體晾🙇⚠️


🥺瓹窿瓹罅免運費送貨上門兼回收,只需要$450,而且無限制重量或數量,要做到7個工作天內送到,除咗靠運輸團隊每日做足12個鐘,其實都好需要大家體晾及配合. 

大家都係真.香港人,明白大家都要返工要搵食,唔會長期有人係屋企但都希望體晾運輸哥哥佢地,大家互相遷就一下送貨時間,多謝大家支持🙏


關於火炭門市購物及自取(不接受任何自携物資回收)

地點:火炭坳背灣街38號華衛工貿中心9912

 (https://goo.gl/maps/LbMxet86MTNsoWSK9)

(距離火炭火車站D出口直行上斜大約十分鐘, 唔想行斜路可以係火炭站搭811或沙田站60k小巴)


1. 顧客成功落單㨂火炭自取及付款後,「訂購人」將會收到email通知 (請檢查垃圾郵件,不會再用SignalWhatsApp通知)

2. 瓹窿瓹罅會於48工作小時內準備好顧客訂購之貨品,顧客將會收到email自取取貨通知(如兩日內都收唔到請主動聯絡打雜專線57448696)

3. 門市開放及取貨時間暫定為星期一至五 1000-1830 (平日1830後,weekend想取貨可以預約,我哋會盡量安排)

4. 顧客自取請自備購物袋及冰袋(現場購買$5)

5. 門市空間有限,網上貨品未能全部展示及直接購買, 建議可以先於網站落單㨂火炭自取

6. 門市接受任何電子支付方式 (不收現金❌)


關於環保配送服務(必須睇)

⚠️2023121號起「❌停收冰袋」,直至另行通知


Q.咩係環保配送服務?

A. 環保配送服務係一個提供比係GuruGuru購物既免費服務,GuruGuruhk.com網站購物後,司機送貨上門既同時,可以將已經處理好既回收物交比司機。


Q.可以叫司機等我即時拆箱/包裝嗎?

A.❌唔可以🙏🏻因為司機每日好多order要送,如果每位客人都要等拆箱/包裝,司機每日起碼要ot幾個鐘


Q.點先㨂到環保配送服務?

A. 於GuruGuruhk.com網站購物滿$450(以最終結帳計,唔准嘥嘢及義賣不計算在內),埋單第一版送貨方式選擇「環保配送服務」

    *唔夠$450會額外收$50運費


Q. 環保配送服務收啲乜?

A. Guru環保配送服務主要收幾類物資(非以下種類物品一律唔收):

    

   1️⃣膠(1號膠(大部份飲品樽), 2號膠(大部份日用品樽), 雜膠-包括各種樽蓋,無標明幾號的膠,外賣盒之類)

        ‼️客人需清洗乾淨後,根據以上3大類分開放

        ⚠️注意:就算外包裝有recycle 標誌,招紙,膠袋,軟膠,發泡膠,食物包裝袋一律❌唔收

        膠樽招紙如何處理

       請參考

       video: https://www.facebook.com/512793125803793/posts/945367282546373/

       Photo: https://www.facebook.com/512793125803793/posts/1032364473846653/?d=n


    2️⃣紙(有鋁紙飲品盒,全白色牛奶盒,其他無被污染嘅紙類(過膠,痴了膠的紙,貼紙,包左膠,有透明膠窗的信封,熱感  紙。除外)所有紙包飲品    盒如有膠蓋必須剪走)

         ‼️客人需清洗乾淨後,根據以上3大類分開放

        想知飲品盒點樣正確處理可以參考以下短片

         請參考 https://www.facebook.com/862368870441741/posts/3449095245102411/?vh=e


    3️⃣玻璃(只限客人係Guru購買既產品,例如悅和、大杯茶,藍象等等.....)

         ‼️由於玻璃需特別存放,所以其他Guru無賣既產品玻璃樽一律唔收,以免形響倉存空間


    4️⃣玻璃(只限客人係Guru購買既產品,例如悅和、大杯茶,藍象等等.....)

         ‼️由於玻璃需特別存放,所以其他Guru無賣既產品玻璃樽一律唔收,以免形響倉存空間


    5️⃣金屬(所有金屬類都收)

         ‼️電器或混有其他物料既,除非你已經拆開,分成唔同物料,否則唔好比我地


    6️⃣冰種(任何類型,品牌,大細,無爛都收,必需要預先溶雪、抺乾淨)

          ‼️冰種無得直接回收,Guru回收番嚟重用,令佢哋有多一次,甚至更多次既生命

          ⚠️注意:由於未溶雪既冰種會出水,放係司機車有機會發霉同滋生細菌,所以必需要預先溶雪、抺乾淨,否則倉同事會多    好多功夫 (亦係點解唔可以即時拆包裝還比司機其中一個原因)



    7️⃣冰袋(保溫袋)(任何類型,品牌,大細,無爛都收,必需要乾淨)

         ⚠️2023121號起「❌停收冰袋」,直至另行通知

         ‼️冰袋無得直接回收,Guru回收番嚟重用,令佢哋有多一次,甚至更多次既生命

          ⚠️注意:如包裝物資上有膠紙請先清理乾淨


    8️⃣Bubble紙,生果網袋,填充物(⚠️2022年1月1號起「❌停收生果網袋」,直至另行通知)

           ‼️呢類包裝物資未必可以直接回收,Guru回收番嚟重用,令佢哋有多一次,甚至更多次既生命

           ⚠️注意:如包裝物資上有膠紙請先清理乾淨


    9️⃣即棄餐具🍴(任何類型,品牌,大細,無爛都收,必需要全新乾淨無拆包裝)

          ‼️呢類物資未必可以直接回收,Guru回收番嚟比南昌門市客人使用

          ⚠️注意:必須未拆包裝,全新,乾淨


⚠️注意事項:

1️⃣回收上限為5kg而不多於兩箱/袋(因為司機車中還有其他貨物,而且亦需要預留空間俾其他客人做回收)

2️⃣所有回收都必須清潔乾淨及妥善放好入箱/袋,如未處理好,運輸有權拒絕回收,而顧客不得追討任何損失。



打雜有話兒:

我哋好歡迎大家俾物資比我哋重用,但為左可以減低回收嘅程序,時間,人手及炭排放,任何類型回收,只可以跟環保配送一齊送返公司,而且必須買滿$450就可以一次過俾埋司機送回公司。


瓹窿瓹罅背後無財團,無正苦資助,更加無收任何捐款,打雜只係靠onlineshop既薄利去實踐我哋既理念,希望大家明白環保係需要資金既,如果你都認同我哋既理念,Guru超過 2000款產品,不妨睇吓有無嘢啱買,試吓我哋既「環保配送服務」,多謝支持環保♻️


因為環保回收係需要資金的。瓹窿瓹罅有俾錢司機再車返公司,而且回收品會佔用貨van嘅位置,佢唔可以再車其他嘢開工搵錢,多左功夫,所以當中嘅開資係由賺到嘅利潤去支持,而且每星期我哋都會不少於一次安排大車送回收物到喵坊及其他回收商,另外回收品的倉存等等。香港人工,車費非常昂貴,瓹窿瓹罅又唔會要司機白做(打雜嘅人工同時間係心甘情願的,就唔好計埋入去了)。現實話俾大家知,希望大家明白如果只購物$300包埋送貨,甚至無條件接收物資,係無辨法營運到整個環保配送服務!


咁可以自己拎回收上嚟嗎?

我哋暫時只會靠「環保配送服務」去回收物資,暫時都唔會接受自携回收.


原因係人手及空間不足,如果開放自携回收,我哋控制唔到有幾多人拎回收上嚟,如果一下子有好多人拎上嚟,我哋無足夠空間同人手去應付. 但經「環保配送服務」我哋可以因應客人落單既量去安排倉位,我哋亦可以集中一個時間去處理回收。多謝體諒🥺



關於義賣助毛孩請到https://www.guruguruhk.com/pages/charity-sale


關於退貨
1. 當您的訂單完成付款後,相關訂單內容已經被瓹窿瓹罅確認,除特別情況外,我們無法為您取消訂單內容。
2. 如因運送過程導致外包裝損毀(產品本身未受損壞),以及「義賣」及「唔准嘥嘢」專區之貨品,恕不接受任何退款或退貨要求。
3. 如因運送過程導致產品本身受到損壞(「義賣」及「唔准嘥嘢」專區之貨品除外),請於收貨後24小內連同貨品相片通知我們,顧客可透過打雜Signal或WhatsApp專線聯絡我們,我們收到通知後會盡快回覆及處理相關問題。
4. 除非特別通知,否則所有類型貨品會同一時間收貨,顧客在收到貨品後有責任點算貨品是否齊全,到貨24小時後一律不接受任何追討事宜。
5. 除*遇上不可抗力因素情況外,所有退款會以Guru Dollar(購物金)方式退還給顧客。
6. 如顧客於「唔准嘥嘢」專區購買任何產品,顧客需自行承擔一切因產品引起之後果。
*如天災,戰爭等.....

打雜WhatsApp/Signal專線:57448696

瓹窿瓹罅致力為香港人服務,如有任何意見歡迎隨時反映,我們願意虛心學習,與香港一起進步!!

食物製造廠牌照號碼:2997813218