本地薑 打雜茶樓 Guru燒賣 - 煙肉燒賣2粒 蟲草花燒賣2粒（零下-18度）

⚠️《大廚版》收貨時為普通急凍貨，約幾時送都可以，大家記得一收到立刻放入冰格急凍

⚠️《大廚版》翻熱之前唔需要解凍

點解會整燒賣？原因都係因為鍾意食😝

話說我人生食過最好味嘅燒賣唔喺香港，係喺溫哥華，以前每次去溫哥華工作嘅話我都會去同一個地方度食燒賣。有一年特別多工作喺溫哥華，所以基本上個個月都會去食。食到連個廚師都認得我😂九七之前有好多香港人去咗溫哥華嗰度，佢哋都好親切好好人。當時廚師係可以直接移民去溫哥華，所以好多點心中菜大廚都放棄喺香港嘅工作，而去到溫哥華開咗好多間唔同有特色嘅中菜廳！

點解佢哋啲燒賣特別，勁大勁多汁，豬肉肥瘦均勻，每一啖都好Juicy, 唔會太鬆，亦都唔會太實，粉亦都唔會落得太多，所有嘢都剛剛好，而且大大粒，食完總之就係好開心！

呢三年都冇再去溫哥華做嘢啦，老闆都有send message俾我☺️我同佢講咗，我而家有自己嘅舖頭自己嘅品牌，膽粗粗問佢攞咗個食譜，佢竟然真係肯俾我喎。

我對自己就冇乜信心㗎啦，之後將個食譜俾咗我哋Guru餅房，點知佢神還原左溫哥華嘅味道80%😎我真係冇諗過可以做返呢個味道出嚟。你知我哋師傅永遠都鍾意創新，自己改良，仲加咗啲口味落去。食完之後我覺得頂呱呱，我哋亦都唔想同溫哥華個隻完全一樣！

我哋改良咗原本嘅食譜，依家做咗兩個口味出嚟，出邊係完全冇㗎

就係煙肉燒賣，都係fu fu 地tion

另外，我哋亦都加入咗蟲草花，發現都好夾喎🙃

其實我哋total試咗成七八種唔同嘅材料㗎喇，最後Final咗呢兩隻覺得最好味，之後有可能會陸續推出唔同口味😙你哋試咗呢兩隻先啦！

Guru 出品總唔會令你地失望🤓

食用方法：翻熱即食

隔水蒸8分鐘

或微波爐800W 叮1分鐘30秒

成份：豬梅肉 越南白蝦 煙肉/蟲草花 梳打粉 生粉 水 鹽 生粉 豬油 水 麻油 胡椒粉 糖 雞粉