英國Treasure of UK急凍野生鷓鴣 250g（急凍-18度)

新到現場 ：- 英國「強身健體滋補」 系列 “Treasure of UK”

 All Natural 全天然 

Wild caught 野生捕捉 

No Added Hormones 無賀爾蒙添加 

打雜由細到大都氣管差，八歲之前仲有哮喘，每個媽媽都會好緊張小朋友嗰啲問題，處理得唔好就一世，哮喘嚴重嘅仲會有生命危險，所以細個嘅保養好重要！

點解我話八歲之前仲有哮喘,但之後又冇呢？

因為打雜媽媽同我做咗兩件事

1）學游水，之後仲入咗泳隊比賽，日游夜游，氣管強左，直情有一段時間(15 年以上)完全冇事添（但係過咗30歲之後，身體變差又返發😭 所以運動真係要keep住做）

2）湯水保養唔少得

有幾款湯我由細飲到大！

以下係其中一款：淮山茨實白果鷓鴣湯

飲鷓鴣湯舒緩氣管敏感！是轉季必飲湯水，中醫建議霜降前後不宜服用補身或寒涼食療，但能煲有效潤肺、增強抵抗力及預防呼吸道疾病的滋潤湯水。俗語有云「一鴣頂九雞」， 鷓鴣的營養價值比雞還豐富，對脾虛久咳、痰多尤其有效

鷓鴣是很好的滋補食材，有滋陰潤肺、健脾益氣、化痰止咳等功效，而且牠有高蛋白、低脂肪、低膽固醇的營養特性；瑤柱滋肝補腎；淮山茨實健脾胃；圓肉補益心脾；百合潤肺止咳；核桃補腎補腦；白果有去咳嗽及去咳喘之功效；蜜棗止咳潤肺、化痰平喘。 

鷓鴣 2隻 

瑤柱 2粒 

淮山 40芝 

茨實 40g 

圓肉 15g 

百合 10g 

核桃 7-8粒 

白果 30粒 

蜜棗 1粒

 薑 3片 

水 2L

將所有材料放入高壓煲煲20分鐘，於喝前再大滾一下便成(若用一般煲具，則以大火煲滾，再用文火煲2-3小時便成）

-------------------------------------------------------------------------------------------------------------

唔止氣管，鷓鴣對皮膚都好有效！對於皮膚乾燥，超難受，打雜好明，真係可以痕到到你一直搔一直抓，有時甚至會破皮流血。加上本身我不愛飲水🤪🤪，一天隨時喝不到兩杯，情況難免更差。然而我並不抗拒喝湯，人愈大愈愛飲湯，網上中醫師，教煲一個改善皮膚痕癢的湯水——沙參玉竹雪耳鷓鴣湯。